«Антоновка орта мектебі» КММ 2023 жылғы 25 желтоқсан күні 1 «А» сыныбында «Қош бол,әліппе!» атты әліппемен қоштасу ертеңгілігі болып өтті. Өткізу мақсаты: Оқушылардың әліппеден алған білімдерін ортаға салу. Өз ойларын ашық, еркін айту, сөйлеу мәдениетін, ойлау қабілеттерін, шығармашылық, танымдық қабілеттерін дамыту. Оқушылардың патриоттық сезімін оята отырып, Отанын сүюге тәрбиелеу.Аталған мерекенің қонағы ретінде балалардың ата –аналары ,мектеп әкімшілігі, педагогтар шақырылды.Сыныптың іші шарлар ,плакаттармен безендірілді. Кішкентай кейіпкерлеріміз ортаға өздерінің әліппе, Отан туралы тақпақтарын айтып ,әндерін орындады. Сұрақ –жауап,ойын түрінде өткізілген әліппеден алған білімдеріне қатысты тапсырмаларды тапқырлықтарын, белсенділіктерін көрсете отырып орындады.Бүкіл іс-шара кезінде оқушылар өздерінің жас ерекшелігіне сай ерекше көтеріңкі көңілін, бірізділік пен ұйымшылдық реңін көрсетті. Мерекенің соңында ата-аналармен де қызықты ойын өткізілді.