«Антоновка орта мектебі» КММ 2024 жылдың 13 мамырынан бастап 24 мамыр күндері аралығында өтілетін «Үш тұғырлы тіл» атты онкүндіктің ашылуы өтті. Тіл мамандары таңертең дәлізде тұрып, барлық оқушыларды, әріптестерін қарсы алып, үш тілде амандасып, көтерінкі көңіл сыйлады. Онкүндік жоспармен оқушылар таныс болды. Бекітілген жоспардан тыс тіл мамандары қоңырау уақытында әр түрлі жаттығулар мен тапсырмаларды дайындап, онкүндіктің жоғары деңгейде өтілуіне ат салысып жатыр. «Тіл –халықтың рухани байлығы» атты тақырыпта 5-6 сыныптармен Сапарова Ж.О. оқушыларды шығармашылыққа баулу мақсатында сурет байқауын ұйымдастырды. 3-4 сынып оқушыларымен «Poem Day» өлеңдер байқауын Кубашева А.К. мен Сарманова Р.А. өткізді. Оқушылар ағылшын тілінде өлең жолдарын жаттап, байқауда өздерінің білгірлік қасиеттерін көрсете білді.
